Timor Post , Kazu Fos MTCI saka 103

Komapania Romante Rekonese “Sala”

Dili – Relasiona ho fos marka MTCI saka 103 ba Viqueque nebe mosu fali iha Dili, husi parte Jestor Armazem Governu iha Manatuto ho Ajensia Transporte kompania Romante rekoinese halo failansu.
Ofisial Inspesaun Alimentar Ekonomika Cipriano Esteve, hateten katak, ninia parte halo ona relatorio hodi intrega ba Inspeitur IAE no Direitor Jeral MTCI atu prosesa.
Nia hateten, foin lalais ne’e ninia parte halo ona inkontru ho ajensia transporte (Kompania Romante) nebe toma konta tranporte tula fos husi armajen governu iha Dili ba Manatuto no jestor armajen iha Manatuto.
Husi enkontru ne’e, ofisial IAE ne’e informa, ajensia transporte ho jestor armazem rekoinese sira nia failansu. “Ne’e ami failansu mos tamba lakonsege atu kontrola ho diak,” katak Esteves ba Timor Post, horseik.
Iha fatin ketak, Direitur Kompania Romante Mariano de Deus haktuir katak, ninia parte rekoinese halo failansu hodi tula fali fos mai iha Dili.
Ninia hatete katak, fos nebe ninia parte tula mai laos fos ilegal, maibe tuir regulamentu husi MTCI katak fos nebe mak tula ba Viqueque labele tula fali mai Dili entaun ninia kompania mos senti halo failansu ida ne’e.
Maibe, nia haktuir, failansu bo’ot iha parte MTCI, liu-liu Jestor Armazem Manatuto, tanba la fo atensaun masimu.
Mariano informa tan katak, ninia parte halo ona inkontru ho MTCI hodi rezolve kestaun refere. “Ho esperensia ida ne’e ami sei tenta atu hadia an sai diak liu tan,” katak nia.
Tuir informasaun nebe Timor Post rekoila katak, fos nebe mak tula mai iha Dili hamutu saka 103, fos refere emprezariu huis Baucau mak hola no faan fali ba emprezariu husi Viqueque no ikus mai emprezariu Viqueque faan fali ba emprezariu ida husi Dili.
Bainhira Timor Post tenta halo komfirmasaun ho responsavel Jestor Armazen Manatuto via telephone, maibe la iha asesu.

Stl - UNAPE Sosa Produtu Lokal Oecusse

Sei Exporta ba Nasaun Vizinu

Oecusse - Haktuir programa governu "Povu Kuda, Governu Sosa", Uniao Nacional de Pequenas Emprezas(UNAPE) komesa sosa produtu lokal iha Distritu Oecusse. Sira sosa batar, hare, no fore rai.

Prezidenti UNAPE Fransisco da Costa Cabral Lay hato'o ba STL iha Edificio Armazem Agrikultura Palaban foin lalais ne'e afirma katak, sira hakrak kontribui ba programa nebe governu halao ba povu. Nudar sidadaun, sira hakarak hatudu sira nia kontribuisaun. Aihan nebe UNAPE sosa, projemplu hanesan batar, sira sosa kilo ida ho folin US$ 0.20 cent. "Ami sei tau hamutuk iha armazem depois mak ami exporta ba nasaun vizinu hanesan Indonesia, Malaysia, no Korea do Sul".

Hare husi kuantidade, produtu nebe povu produs kada tinan iha Oecusse, sedauk bele bele hatan ba merkadu internasional. Ninia kuantidade la to'o, sa tan nia kuantidade.

Timor Post, MTCI Fo Formasaun Ba Vendedores Ki'ik

Dili - Ministeriu Turismu, Komersiu no Industria liu husi Institutu Apoiu Dezenvolvimentu Empreza (IADE) nian fo formasaun ba emprezariu ki'ik sira hodi nune'e bele maneja diak liu tan sira nia aktividade negosiu.

Directora Jeral MTCI Sra. Manuela G.B Corte-Real, iha ninia diskursu wainhira loke formasaun refere hatete katak prioridade husi governu atu prepara mos negosiante ki'ik sira hodi bele iha kapasidade atu halo kompitisaun iha merkadu.

Tamba, nia dehan, oras ne'e dadaun iha mundu globalizasaun ema enstranjeiru hahu'u tama iha nasaun barak, inklui Timor Leste hodi halo negosiu.

DJ MTCI ne'e, haktuir liu tan, importante ba emprezariu ki'ik sira atu bele hetan formasaun hodi nune'e bele jere ninia bisnis atu lao diak liu tan ba oin. Se loke kios ruma, tenki hanoin atu loke kios ne'e sai fali loja.

Tan ne'e, DJ MTCI ne'e reforsa, Governu liu husi MTCI sei kontinua atu prepara empreza ki'ik sira hodi preparadu tama iha kompitisaun.

Iha Fatin Hanesan, Directora Nacional de Pesquisa e Desenvolvimento MTCI Sra. Florentina Smith, haktuir liu tan husi formasaun ne'e ninia parte hakarak atu fo konhesementu ba empreza ki'ik sira bele jere rasik sira nia negosiu ho seguru.
"Fila liman importante teb-tebes, tan ne'e MTCI liu husi Direksaun Nasional Peskiza no Dezenvolvimentu (DNPD) ho IADE halibur negosiante ki'ik sira hodi fo formasaun," Tamba bazeiba informasaun nia parte hetan katak, durante ne'e negosiante ki'ik sira infrenta difikuldade bo'ot wainhira halao sira nia aktividade negosiu.
"Governu iha obrigasaun atu fasilita treinamentu no fo formasaun," hateten Directora DNPD MTCI ne'e.

Stl, Funcionaios Centro Regiaun MTCI Maliana Limitado

20/07/2009

Emprezario Atraza Registo

Maliana - Fulan hirak nia laran, emprezario no loja nain iha Distrito Bobonaro barak mak triste.
Tamba, emprezario ho loja nain sira mai iha Edificio Centro Regiaun MTCI iha Maliana, labele atende sira nia nesesidade konaba dokumentus, tamba funcionario iha Edificio Centro Regiaun MTCI iha Maliana, ema nain ida deit. Nia labele kobre Distrito hotu-hotu iha area Regiaun IV nia laran.

www.suaratimorlorosae.com

PDT, MTCI

Wednesday, 19 November 2008

PDT commences a multi-year handover plan to the Ministry of Tourism Commerce and Industry.

Peace Dividend Trust has commenced a multi-year handover plan of the www.buy-in-timor.org online database to the Ministry of Tourism Commerce and Industry (MTCI). Osorio Correia (adviser to the Minister for TCI) and Florentina Smith (Director of the Research and Development Dept in the MTCI) are pictured discussing the beginning of the handover with Rod Nixon and Madelena Guterres of PDT.

PDT and MTCI have a Memorandum of Understanding (MOU) which articulates the mutual desire to eventually transfer the Timor-Leste Online Procurement Database (www.buy-in-timor.org) to the MTCI within the next 3-4 years depending on resource and capacity issues.

To this end the MTCI and PDT have developed a flexible transfer plan, and on 18 November 2008 MTCI civil servants Mario Filipe (Database Entry Officer) and Angelito da Costa (Information Officer and Database) commenced working in PDT's Balide Office with a view to building capacity so as to be able to absorb www.buy-in-timor.org in due course. MTCI is providing transport and information technology resources in addition to staff.

More MTCI staff will rotate through PDT over the coming years.

Peace Dividend Trust is funded by AusAID and Norway.

STL - Povu Lautem Ejiji Governu Sosa Sira Nia Produtu Lokal, 16 Juli 2009

LAUTEM - Populasaun Distritu Lautem, liu-liu Suku Parlamentu ejiji ba governu atu sosa sira nia produtu lokal tuir politika nebe estabelese.
Ezijensia nebee mai husi aldeia Iparira, Laiara, Serenira no Moro, tamba konsidera governu liu husi Ministeriu Komersiu, Industria no Turismu (MTCI) la realiza sira nia politika atu sosa produtu lokal. liliu ba sira nia produtu hanesan liis, tomate, ai manas, no mos produtu seluk tan.

Kestaun nee hatoo husi xefi aldeia Moro, Venancio da Silva, hodi konsidera iha kuadru katak "Povu Kuda Governu Sosa" hanesan simbolu deit.

Iha parte seluk xefi aldeia Irara, Justo Fernandes afirma, sekarik governu iha duni interese atu ajuda povu nebe moris ho produtu lokal, tenke loke merkadu livre atu sira bele aproveita faan sasan. Governu tenke buka meus ruma atu responde ejijensia hirak nee.